Héraðsdómur Reykjavíkur hefur dæmt hina umdeildu breytingu á búvörulögunum ólögmæta. Breyting stóðst ekki stjórnarskrá. Víða þætti það mikið áfelli yfir ríkisstjórn hvers lands. En ekki hér á landi.
Píratar spyrntu við fótum við afgreiðslu málsins á Alþingi. Það stöðvaði ekki meirihluta flokkana.
„Þórhildur Sunna Ævarsdóttir fyrir hönd okkar Pírata lagði fram frávísunartillögu þegar búvörulögin voru samþykkt. Í ræðu sinni sagði hún meðal annars: ,,Hér er um það eðlismiklar breytingar að ræða að rétt væri að frumvarpið færi aftur í gegnum þrjár umræður. Því ætti með réttu að vísa þessu máli aftur til ríkisstjórnarinnar til þess að það geti farið í almennilegt samráð.“
Framsókn, Sjálfstæðisflokkur, Vinstri grænir og Miðflokkurinn felldu tillögu Sunnu og samþykktu svo þetta brot á stjórnarskrá. Vinnubrögð skipta máli. Að bera virðingu fyrir lýðræðislegum ferlum, þingsköpum og stjórnarskrá skiptir máli. Píratar vinna faglega og ávallt að hagsmunum almennings. Við förum ekki á svig við grunnreglur lýðræðisins til að þjóna sérhagsmunum,“ skrifaði Halldóra Mogensen.
