„Gera má ráð fyrir harðri baráttu í prófkjörum Sjálfstæðisflokksins í Reykjavíkurkjördæmunum um efstu sæti listanna svo og í Suðurkjördæmi og að hluta til í Suðvesturkjördæmi. Ástæðan er sú, að þeir sem skipa efstu sætin í þessum kjördæmum hafa meiri möguleika en aðrir á ráðherraembættum,“ skrifar Styrmir Gunnarsson á vef sinn, styrmir.is.
„Átökum af þessu tagi fylgir óróleiki, sögusagnir og í sumum tilvikum illt umtal sem er fylgifiskur pólitískra átaka.
Þegar kemur fram í júlí taka svo umræður um málefni við. Nú þegar má heyra áhyggjur af áhrifum tveggja mála á kosningabaráttuna. Annars vegar af Samherjamálinu svonefnda verði rannsókn þess komin á lokastig og hins vegar af sölu á hluta af hlut ríkisins í Íslandsbanka, sem tengjast söluverði á þeim hlut.“