Fjölmiðlar gleypa fullyrðingar Skúla án þess að kanna hvort þær eru réttar eða rangar.
Ólafur Hauksson skrifar:
„Nýjasta umfjöllunin um WOW er áhugaverð. Forstjóri WOW varar við fölskum orðrómi og upplýsingafulltrúi félagsins segir að félagið skuldi ekki gjöld á þeim flugvöllum sem félagið fljúgi til um þessar mundir. Fjölmiðlar álykta að þarna sé verið að bregðast við og svara frétt Túrista.is frá því um helgina um að WOW hafi beðið um greiðslufrest á erlendum flugvöllum.
En Túristi.is sagði aldrei að WOW skuldaði gjöld á erlendum flugvöllum. Upplýsingafulltrúinn svarar semsagt ekki því sem kom fram hjá Túrista, heldur einhverju sem ekki var sagt. Forstjórinn varar við fölskum orðrómi, en hafnar heldur ekki frétt Túrista. Það er því ekki hægt að álykta annað en að frétt Túrista hafi í einu og öllu verið rétt meðan viðbrögðin við henni eru klassískt spinn sem blaðamenn með kaffi og sígó í hönd hefðu mátt sjá við.“
Taka verður undir með Ólafi og það er hrein undrun að forsvarsmenn WOW geti sent einfalda „yfirlýsingu“ og að flestir fjölmiðlar taki við henni og birti án þess að reyna nokkuð til að sannreyna réttmæti hennar. Nú er mér hugsað til Jónast heitins Kristjánssonar. Mikið hefur blaðamennskan breyst.
Er víst að Skúli sé besta heimildin í eigin málum? Það má efast um það.
-sme
