Augljóst er að garmurinn er farinn á taugum enda fnykur á eftir honum!
Jóhann Þorvarðarson skrifar:
Eins og þjóð man þá hefur Willum Þór framsóknarmaður og formaður fjárlaganefndar barist af hörku á móti betri kjörum fátækra. Rökin eru alltaf þau sömu, lýgur að engir peningar séu til. En núna er garmurinn búinn að finna milljarða í leynilegum dálki í excel skjalinu sínu til að gefa ýmsum félagasamtökum. Samtök sem hingað til hafa plumað sig ágætlega og án kosningaloforða frá Willum Þór. Þetta táknar bara að aðrir þurfa að borga hærri skatta. Augljóst er að garmurinn er farinn á taugum enda fnykur á eftir honum!
Það á við um allan Framsóknarflokkinn sem lagður er af stað í fundarherferð um samgöngumál.
En það eru fleiri komnir í kosningagírinn, Bjarni Ben talar inn í hjörtu einkavina-væðingarsinna og boðar sölu Íslandsbanka með kunnuglegum og blekkjandi rökum. Svo hefur sérstakur vinur öfgakapítalista hann Óli Björn Kárason verið með þannig tjáningar að búast má við að kosningar séu hugsanlega hinum megin við hornið. Hann klæðst alltaf dulargervi félagshyggjumanns rétt fyrir kosningar og svíkur síðan allt jafn harðan.
Svo hefur Lilja Rafney Vinstri græn tjáð sig um að ekki sé hægt að lifa af 250.000 krónum. Það er nýtt hljóð úr þeim skrokki og er tímasetningin athyglisverð!
Málið er að ef niðurstaða Mannréttindadómstólsins í Landsréttarmálinu verður Sigríði Andersen í óhag þá er stjórnmálaferli hennar lokið og Arnfríður vinkona hennar, eiginkona Brynjars Níelssonar, verður ekki Landsréttardómari! Þá mun öfgaarmur Sjálfstæðisflokksins fara af hjörunum og styttist þá í kosningar nema Vinstri grænir sökkvi dýpra í undirgefni. Framsókn skröltir alltaf með, sefur hjá öllum.
