Meðan Willum heilbrigðisráðherra treystir á að laun lækna, og annarra, verði hvetjandi til að fólk fáist til að vinna í heilbrigðiskerfinu, er Bjarni Ben þvermóðskan ein. Svo harður er Bjarni að læknar sjá sig tilneydda að stefna ríkinu vegna brota á þó gildandi kjarasamningum.
Í faraldrinum miðjum var ákveðið að hætta að borga læknum samkvæmt kjarasamningi sem varð svo til þess að læknar fara í mál.
„Kæran snýst um breytingu á túlkun á ákvæði sem hefur verið eins í fimmtán ár, þar sem læknar hafi hingað til fengið greidda fjóra yfirvinnutíma ef þeir eru kallaðir á vakt með minna en 24 tíma fyrirvara,“ segir í Mogganum.
„Við skiljum sérstaklega ekki að þessi framkvæmd var felld niður í Covid-faraldrinum þar sem aldrei hefur verið meiri þörf á því að fólk sé tilbúið að hlaupa til og aldrei verið meiri mönnunarvandi,“ segir Steinunn Þórðardóttir, formaður Læknafélags Íslands. Hún bætir við að ríkið hafi ekki gefið fullnægjandi skýringu á breytingunni.
-sme