„Fór að borða í Múlakaffi í kvöld sem svo oft áður, á undan mér í röðinni voru vopnaðir lögreglumenn,“ skrifar Guðmundur Sigurðsson á Facebook fyrir fáum mínútum.
Hann heldur áfram: „Fannst bæði kjánalegt og óþægilegt að vera innanum vopnaða menn á matsölustað, mátti svo hafa þessa menn á næsta borði á meðan ég át mitt. Það er hrein fásinna að þetta hafi nokkuð með öryggi gesta að gera. Enda má minnast þess að sjálfur ríkislögreglustjórinn hefur hótað að myrða mann,“ skrifar hann.
Og áfram: „Það er því vandséð hverjum er hægt að treysta. Ef einhver ætlar að reyna að bera þetta saman við löggur í útlöndum stenst það ekki, það var miklu meiri Rambóbragur á þessum vopnabúnaði en gerist hjá borgarlöggum. Það ætti að banna fjöldasamkomur á landinu ef ástandið er orðið svo skuggalegt að menn getir ekki borðað án byssu.“
Og að lokum: „Vígbúnaður á veitingahúsum á ekki að eiga sér stað.“
