Katrín Jakobsdóttir er að leggja af stað í mikla háskaför.
Fylgið tálgast af ríkisstjórnarflokkunum. Það herðir á ákvörðuninni um að kjósa ekki fyrr en í september. Eins seint og nokkur kostur er á. Það er ekki endilega vegna þess að flokkunum líði svo vel hver með öðrum. Vonast er til að bólusetningar gegn veirunni gangi það vel, að hér verði allt að komast í samt lag, þegar gengið verður til kosninga. Flokkarnir ætla ekki bara að þreyja Þorrann og Góuna. Þeir ætla að halda út þar til í september hvað sem tautar og raular.
Katrín Jakobsdóttir er að leggja af stað í mikla háskaför. Leggur fram breytingar á stjórnarskrá og er fullkomlega óljóst með stuðning innan ríkisstjórnarinnar. Þrátt fyrir það og allt annað blasir við að núverandi ríkisstjórn lætur sig hafa það að starfa áfram, sama hverju mun ganga á. Ósamlyndi innan ríkisstjórnarinnar eykst. Það er helst Sjálfstæðisflokkurinn sem getur sæst á ástandið. Hann virðist fær það sem hann vill.
-sme
