Síðan má jafnvel efast um hvort að kerfið sé mikil blessun fyrir Samherjabörnin þegar upp verður staðið.
Sigurjón Þórðarson skrifar:
Voðalegt barn er Helgi Vífill, að telja kvótakerfið sé blessun fyrir íslensku þjóðina!
Veit hann ekki að þorskaflinn nú er um helmingurinn af því sem hann var fyrir daga kerfisins og minni en kom í hlut Íslendinga áður en Bretar og fleiri voru settir út úr landhelginni. Staðan nú í maí 2020 er sú að þorskstofninn fer minnkandi þriðja árið í röð, þrátt fyrir að á síðustu árum hafi hrygningarstofninn verið í sögulegum hæðum, minnsta veiðiálag á stofninn í á aðra öld og enga loðnuveiði annað árið í röð. Þetta ætti að segja hvaða heilvita manni að ráðgjöf Hafró og kerfið sé ekki að virka.
Á hvaða forsendum telur Helgi Vífill kerfið vera gott?
Það er alveg ljóst að það er alls ekki að það er ekki að þjóna upphaflegu markmiði sínu um 500 þús. tonna jafnstöðuafla! Það er ekki gott fyrir sjálfstæðar fiskvinnslur sem hafa verið leiðandi í markaðsstarfi. Það er ekki gott fyrir byggðirnar. Það er ekki gott fyrir hið opinbera. Kerfið hvetur til brottkasts, býr til gríðarlegan eftirlitskostnað og kemur í veg nýliðun. Kerfið er ekki gott fyrir trillukarlinn sem sjávarútvegsráðherra og Sjálfstæðisflokkurinn fær eitthvað mikið út úr að merja þessa daganna.
Síðan má jafnvel efast um hvort að kerfið sé mikil blessun fyrir Samherjabörnin þegar upp verður staðið.
