Er það hæft til að gegna veigamiklum trúnaðarstöðum?
Jón Magnússon skrifar:
Nú er komið í ljós að sú fjárhæð sem Sigríður Benediktsdóttir sagði Mogganum að hún hefði nýtt til að kaupa krónur á verulegum afslætti var röng. Fjárhæðin var rúmlega þrisvar sinnum hærri en hún sagði. Þá er veifað ákvörðun Seðlabankastjóra um undanþágu fyrir Sigríði. Bæði Sigríði og Má mátti vera ljóst, að Seðlabankastjóra var óheimilt að veita slíka undanþágu sbr. ótvíræð ákvæði í almennum stjórnvaldsreglum. Spurning er um hæfi fólks sem fer svona að. Er það hæft til að gegna veigamiklum trúnaðarstöðum?