Villi Bjarna hæðist að nafna sínum

Vilhjálmur Bjarnason, fyrrverandi þingmaður, hæðist að nafna sínum Birgissyni á Akranesi, formanni Starfsgreinasambandsins og Verkalýðsfélagsins í sínum heimabæ.

„Seðlabanka­stjór­inn á Akra­nesi vill að vísu eng­ar verðleiðrétt­ing­ar þannig að skatt­ur­inn verður ekki vanda­mál. Fyrr­ver­andi fé­lags­menn í Verka­lýðsfé­lagi Akra­ness og fé­lag­ar í Líf­eyr­is­sjóði Vest­ur­lands munu greiða fyr­ir fram­gangi pen­inga­mála­stefnu seðlabanka­stjór­ans. Ein­hver borg­ar fyr­ir ör­læt­is­gern­inga seðlabanka­stjór­ans,“

Villi Bjarna bankar létt í þing og ríkisstjórn:

„Svo virðist sem stjórn­mála­menn telji að at­hygl­is­sýki sinni sé best sinnt með Morfís-æf­ing­um á Alþingi. Það er eng­in eft­ir­spurn eft­ir stjórn­ar­and­stöðuleiðtog­um á leiðtoga­fund­um Evr­ópuráðsins. Ráðherra­ves­al­ing­arn­ir þurfa frem­ur að vera á leiðtoga­fund­in­um en að hlusta á gagns­laus­ar Morfís-æf­ing­ar í söl­um þings­ins.

Sum­ir stjórn­arþing­menn eru ef til vill ekki betri en gaml­ir grillufang­ar­ar í nýsnilli sinni.

Nýsnill­ing­arn­ir finna það út að bank­arn­ir skila hagnaði! Eng­um dett­ur í hug að greina upp­runa hagnaðar bank­anna. Hver er upp­runi hagnaðar ís­lenskra banka?

Það er ekki flókið mál. All­ir innlánareikningar skila nei­kvæðri ávöxt­un. Útlán eru með já­kvæðum raun­vöxt­um. Ef til vill ekki nógu hárri.“

Fjölmiðlafólk fær sína sneið frá Villa:

„Til­gáta mín er að ís­lenskt fjöl­miðlafólk sé efna­hags­vanda­mál. Fyr­ir utan að vera sjálf­skipaðir siðgæðis­verðir, þá er fjöl­miðlafólk að því er virðist illa haldið af skuld­um sín­um og eig­in efna­hagserfiðleik­um. Og því miður alls ekki efna­hags­lega læst. Og siðgæðis­vit­und­in er að henti­stefnu skuld­ar­ans.

Má ég spyrja: Hvaðan kem­ur líf­eyr­is­sjóðum sú siðferðilega skylda að gefa eft­ir samn­ings­bund­in kjör í samn­ingi við Íbúðalána­sjóð? Kjör, sem lang­hæf­asti um­sækj­andi um starf for­stjóra Íbúðalána­sjóðs bauð.“

Það var og. Þetta eru aðeins hlutar af langri Moggagrein Viðhjálms Bjarnasonar.