Vill Líf í Sósíalistaflokkinn
„Áfram Líf! ...og komdu til okkar í Sóíalisitaflokkinn! Ekki standa í þessu ein! Taktu höndum saman við Sönnu Magdalenu inni í borgarstjórninni.“
Pétur Tyrfingsson skrifar um vandræði Vinstra grænna og þá stöðu sem Líf Magneudóttir býr við í flokknum. Pétur vill að Líf yfirgefi VG og gangi til liðs við Sósíalistaflokkinn.
„Líf Magneudóttir hefur engan stuðning af VG. Þar á bæ gengur atvinnulífið og landsbyggðin fyrir – lesist: útgerðarauðvaldið. Það skiptir meira máli að standa í stríði við stjórnarandstöðuna um að lækka skatta á útgerðinni heldur en að þjösnast í því að fá Sjálfstæðisflokkinn og fjármálaráðherra hans til að leiðrétta kjör öryrkja. Lif Magneudóttir og hennar félagar eiga ekkert bakland í VG – flokkurinn er gersamlega lamaður.
Hvað er til ráða? Líf Magneudóttir mundi aldeilis hrissta uppí pólitíkinni og bjarga pólitískri andlegri heilsu sinni með því að segja sig úr VG þegar borgarstjórnarmeirihluti hefur verið myndaður og ganga í Sósíalistaflokkinn.
HEI! Sjáiði valdastöðuna sem hún hefur þá búið til? Mun sterkari staða en sú ef Sanna hefði komið inn í hlýjuna með Líf. Ef Líf stígur út úr hlýjunni og út í kuldann og tekur höndum saman við Sönnu Magdalenu… Vá? Aldeilis tangarhald á meirihlutanum! Því hann stendur og fellur með Líf.
En það er ekki hægt að ætlast til þess að stjórnmálakona geri svona nema eiga móralskan stuðning vísan fram í rauðan dauðann. Og hún getur gengið óhrædd í Sósíalistaflokkinn. Þar á bæ mun enginn gera kröfu til hennar um að standa ekki við samninga sem hún hefur gert og það mun enginn fara að segja henni fyrir verkum á einn eða annan hátt. Sósíalistaflokkurinn er nefnilega ekki stofnaður sem hinn endanlegi forsystuflokkur alþýðunnar og þar er ekkert „flokkseigendafélag“…. Sósíalistaflokkurinn er stofnaður sem póitísk þungamiðja og vettvangur fyrir þá sem vilja byggja upp virka hreyfingu alþýðufólks, valdeflingu okkar minnstu bræðra og systra á jaðrinum og berjast fyrir því að launafólk endurheimti verkalýðsfélögin sín…. og… trúa því að þetta streð muni einn góðan veðurdag gera okkur kleift að stofna raunverulegan verkalýðsflokk sem hangir ekki saman á hugmyndum heldur á sér félagslegar rætur meðal verkalýðsstéttarinnar og þeirra sem hafa troðist undir í harðneskjulegu samfélagi kapítalismans.
Innganga okkar ágæta VG-félaga í Sósíalsitaflokkinn mundi breyta kraftahlutföllunum í stjórn Reykjavíkur svo um munar.
Áfram Líf! …og komdu til okkar í Sóíalisitaflokkinn! Ekki standa í þessu ein! Taktu höndum saman við Sönnu Magdalenu inni í borgarstjórninni og nýttu þér samráðsvettvanginn og stuðninginn sem Sósíalistaflokkurinn mun vera ykkur báðum!“
