Vill að Alþingi veiki stöðu verkalýðsfélaga

Davíð Oddsson vill að draga úr, veikja, stöðu verkalýðsfélaga.

„Eft­ir þessa reynslu, og í ljósi þeirr­ar óvenju­legu stöðu sem stétt­ar­fé­lög hafa hér á landi, hlýt­ur að vera óhjá­kvæmi­legt fyr­ir stjórn­völd að taka til skoðunar þá lög­gjöf sem um slík fé­lög gilda,“ segir Davíð í leiðara i Mogga dagsins.

Breytingarnar á forystu verkalýðsfélaga hafa orðið til þess að nú er miklu meira en armslengd milli atvinnurekenda og forystu launafólks. Karl Andreassen, forstjóri Ístak, kvartar undan að Sólveigu Önnu, formanni Eflingar, hafi ekki verið skemmt vegna fjöldauppsagna hjá fyrirtækinu.

Aftur að leiðaranum. „Stór­yrði og hót­an­ir fólks sem stýr­ir svo öfl­ug­um fé­lög­um geta haft og hafa haft mik­il áhrif.“ Eflaust er hér fjallað um tvennt. Breytt viðhorf forystu launafólks og að hún dragi „útreikninga“ SA í efa.

„Það að hefja verk­föll, jafn­vel á grund­velli vafa­samr­ar kosn­ing­ar, er enn meira al­vöru­mál,“ segir forsætisráðherrann fyrrverandi.

Og svo missir hann sig í sannkallað gaggalagú: „Ekki síst þegar horft er til þess að svo virðist sem þátt­taka í kjaraviðræðum hafi aldrei verið nema til mála­mynda og þær frek­ar verið nýtt­ar sem for­leik­ur að verk­falli en til að sækja kjara­bæt­ur fyr­ir fé­lags­menn­ina.“

Mikils virði hefði verið að sjá svipinn á ritstjóranum þegar hann pikkaði þetta rugl á lyklaborðið.

„Eft­ir þessa reynslu, og í ljósi þeirr­ar óvenju­legu stöðu sem stétt­ar­fé­lög hafa hér á landi, hlýt­ur að vera óhjá­kvæmi­legt fyr­ir stjórn­völd að taka til skoðunar þá lög­gjöf sem um slík fé­lög gilda. Þau njóta ým­is­kon­ar for­gangs og for­rétt­inda sem auðvelda þeim að afla fé­lags­manna og að hafa þau gríðarlegu völd sem mik­illi fé­lagsaðild fylg­ir. Slík­um völd­um verður að fylgja ábyrgð, en því miður hef­ur vantað tölu­vert upp á hana að und­an­förnu.“

Nú er að bíða og sjá hvort það fólk sem nú stjórnar flokknum verði við ákallinu úr Hádegismóum. Líkur til þess eru miklar. Kannski ekki alveg strax, en bráðlega.