Þórdís Kolbrún R. Gylfadóttir talaði um eftirlit með atvinnulífinu hér á landi og sagði það kosta mikið.
„Það er dýrast allra landa innan OECD. Við fórum af stað með það verkefni með OECD að greina regluverkið hér vegna þess að það kostar fyrirtækin, neytendur og skattgreiðendur að hafa eftirlitið ef það er óskilvirkt, of kostnaðarsamt eða óþarflega umfangsmikið,“ sagði hún í þingræðu.
Áslaug Arna Sigurbjörnsdóttir er saman sinnis:
„Svo virðist sem við höfum stundum misst okkur í því, af því að við mælumst með gríðarlega flókið regluverk á mælikvarða OECD. Ég fagna þess vegna því verkefni sem hæstvirtur ráðherra mun fara í með OECD varðandi einföldun regluverks af því að það er alveg ljóst að mikið er undir fyrir íslenskt atvinnulíf hvað varðar samkeppnishæfni, að geta keppt við aðra, að regluverk og eftirlit sé ekki of flókið og íþyngjandi eins og það er sem við búum við í dag.“
