„Þetta er kostulegt spjall þriggja vitringa hægrisins sem eru alveg hreint gáttaðir á hvað kapítalisminn er góður og smart. Það sem truflar þá hins vegar er að fólk sem er þeim ekki sammála skuli fá aðgang að samfélagsumræðunni í gegnum fjölmiðla. Um miðbik samtalsins býsnast þeir yfir að Ásgeir Brynjar Torfason hafi fengið að tjá sig um söluna á Íslandsbanka í kvöldfréttum RÚV; þeir vilja að hann fái rauða spjaldið, fái aldrei aftur að tjá sig opinberlega. Og svo enda þeir á að hissa sig aftur á bak og áfram yfir að ég skuli fá að birta skoðanagreinar á Vísi eða við mig sé rætt í spjallþáttum, ráðgera að ræða það mál við Heiðar Guðjónsson forstjóra Sýnar, hvort ekki megi setja mig á svartan lista,“ skrifar Gunnar Smári Egilsson.
„Risið á vitringum hægrisns hefur aldrei verið hærra en þetta. Þeirra framlag til samfélagsumræðunnar er að krefjast þess að þau sem eru þeim ósammála verði fjarlægð af sviðinu svo þeirra eigin heimska fái að ríkja þar ein. Þessar kröfur leggja þeir fram milli ekkasoga yfir því að þeirra verk og hugmyndir séu yfir höfuð gagnrýnd.“