„Staðreyndin er sú að núverandi heilbrigðisráðherra hefur verið látinn komast upp með að þrengja að einkarekstri í heilbrigðiskerfinu, jafnvel í tilvikum þar sem augljóst óhagræði hlýst af og ríkið tapar háum fjárhæðum. Og þá hefur ekki heldur skipt máli að sjúklingar standi fyrir vikið verr að vígi,,“ segir í leiðara Moggans í dag.
Tónninn er þekktur. „Þessi staða er auðvitað óásættanleg, en vonandi fela orð varaformanns fjárlaganefndar í sér að einhver vilji verði til þess að gera meira en ræða málin og skoða,“ segir í leiðaranum.
Þar er fjallað um ásetning Haraldar Benediktssonar, varaformanns fjárlaganefndar, um að Landspítalinn fái ekki meiri peninga á þessu ári. Stjórnendum spítalans verði gert að skera niður.
Í fyrri frétt okkar í dag segir: „Mogginn ítrekar vilja Haraldar Benediktssonar, varaformanns fjárlaganefndar og þingmanns Sjálfstæðisflokksins, að Landspítalinn verði að sjá um sig sjálfur og fái ekki meiri peninga til að mæta auknum kostnaði vegna Covid; „nema að hluta til.“
Ljóst er að barátta er innan ríkisstjórnarinnar um málið. Ágreiningurinn mun koma upp á yfirborðið.