Innan Vg er vilji til að Kolbeinn Óttarsson Proppé haldi áfram þrátt fyrir höggið sem hann fékk i forvali Vg í Suðurkjördæmi. Álfheiður Ingadóttir, fyrrum þingmaður flokkksins og ráðherra fer fyrir hópi fólks sem skorar á Kolbeinn að bjóða sig fram í Reykjavík.
Álfheiður skrifar:
„Við skorum á Kolbein Kolbeinn Óttarsson Proppé að bjóða sig fram í Reykjavík.
Kolbeinn hefur staðið sig með miklum sóma sem fulltrúi okkar hreyfingar á Alþingi þar sem hann hefur verið ötull í störfum sínum og beitt sér fyrir mörgum góðum málum. Það hefur líka verið eftir því tekið hversu óhræddur hann hefur verið að sækja og verjast með málefnalegum hætti fyrir hönd hreyfingarinnar í opinberri umræðu.
Við erum vissulega hreyfing sem sækir kraft sinn til samstöðu fjöldans, en slíkar hreyfingar þurfa öfluga málsvara í framlínunni. Það hefur Kolbeinn sýnt að hann er og þess vegna viljum við sjá hann áfram í okkar framvarðarsveit sem þingmann Reykvíkinga.“
Undir þetta skrifar:
Anna Friðriksdóttir, Álfheiður Ingadóttir, Ásgrímur Angantýsson, Björgvin Gíslason, Brynhildur Björnsdóttir, Dóra Svavarsdottir, Guðrún Hallgrímsdóttir, Guy Conan Stewart, Hafþór Waldorff, Katla Kjartansdóttir, Kári Gautason, Kristinn Schram, Ragnar Karl Jóhannsson, René Biasone, Sigfús Ólafsson, Sigríður Pétursdóttir, Sigrún Jóhannsdóttir, Sjöfn Ingólfsdóttir, Steinar Harðarson, Úlfar Þormóðsson.
