Ferðaþjónusta „Ferðaþjónustan var á síðasta ári sú atvinnugrein sem skapaði þjóðarbúinu mestar gjaldeyrisstekjur eða 26,8% af heildartekjum og er stærsta útflutningsatvinnugrein þjóðarinnar. Þá er ljóst að ferðaþjónustan hefur haldið uppi hagvexti og atvinnustigi í landinu undanfarin ár. Á sama tíma hafa sprottið upp raddir þess efnis að setja skuli frekari klafa á ferðaþjónustuna með því að hækka eigi virðisaukaskatt á greinina og afnema undanþágur. Rétt er að benda á að aðrar stórar útflutningsatvinnugreinar á Íslandi eins og sjávarútvegur og áliðnaður, sem starfa í alþjóðlegu samkeppnisumhverfi eins og ferðaþjónustan, eru undanþegnar virðisaukaskatti. Þær hafa einnig heimild til frádráttar vegna virðisaukaskatts af aðföngum vegna rekstrarins sem ferðaþjónustan hefur ekki rétt á.“
Þetta er upphafi ályktunar stjórnar Samtaka ferðaþjónustunnar frá því fyrr í dag.
Og stjórn SAF segir einnig: „Hækkun á virðisaukaskatti hefur bein neikvæð áhrif á samkeppnishæfni þeirra fyrirtækja sem starfa í alþjóðlegri ferðaþjónustu. Tækifærin liggja í ferðaþjónustunni. Ef við viljum auka enn gjaldeyristekjur ferðaþjónustunnar sem og skatttekjur af henni almennt þarf að tryggja rekstrarskilyrði sem treysta samkeppnishæfni greinarinnar á alþjóðlega vísu.“
Sjá nánar hér.
