Sigurjón Þórðarson skrifar:
Vikan með Gísla Marteini er sérkennilegur gamanþáttur þar sem þáttarstjórnandinn er með póltískan undirtón gegn kjötáti, bílum, Sigmundi Davíð svo eitthvað sé nefnt. Hann tekur einnig að sér að búa til jákvæða áru í kringum stjórnmálamenn sem eru búnir að gera upp á bak. Einn slíkur er í sófanum hjá Gísla í kvöld en það er hún Svandís Svavarsdóttir sem tók að sér að láta almenning greiða fyrir ómerkilegt áróðursplagg SFS og kalla það tillögur til sátta í sjávarútvegi.
Plaggið hennar Svandísar er hreinn og klár óhróður um dagróðrabáta á meðan kvótakerfið sem misboðið hefur réttlætiskennd þjóðarinnar, er dásamað.
Svandís er komin í mikla krísu með tillögurnar og nú ætlar Gísli Marteinn, að aðstoða við að rétta hennar hlut í sófaspjalli. Í sjálfu sér væri það í góðu lagi hjá RÚV, ef útvarp, allra landsmanna sem á að vera vettvangur mismunandi skoðana hefði hleypt málefnalegri gagnrýni að t.d. Landssambands smábátaeigenda, á dæmalausar tillögur Svandísar.það hefur RÚV svo sannarlega ekki gert.