Vigdís Hauksdóttir skrifaði:
Lagði þessar fyrirspurnir fram í borgarráði í gær um rauðar, gular og grænar dylgjur borgarstjóra
„Á fundi borgarstjórnar hinn 15. október s.l. var samkomulag milli SSH og ríkisins um skipulag og fjármögnun uppbyggingar á samgönguinnviðum á höfuðborgarsvæðinu samþykkt. Daginn áður eða hinn 14. október auglýsti Reykjavíkurborg útboð nr. 14356 rammasamning um stýribúnað umferðarljósa. 27. maí s.l. samþykkti Innkauparáð að heimila umhverfis- og skipulagssviði að fara í samningskaup um kaup á vélbúnaði og hugbúnaði auk þjónustusamnings vegna uppfærslu á svonefndri miðlægri stýringu umferðarljósa í Reykjavík og það tekið fram að um væri að ræða samvinnuverkefni með Vegagerðinni sem greiða á helming kostnaðar við uppfærsluna.
1. Á hvaða heimild borgarstjórnar og/eða Innkauparáðs byggir útboð nr. 14356?
2. Er útboðið hugsað sem hluti af samkomulaginu milli SSH og ríkisins?
3. Eru Vegagerðin og SSH þátttakendur í útboðinu?
4. Hvers vegna auglýsti Reykjavíkurborg svo víðtækt útboð á stýribúnaði umferðarljósa áður en samkomulagið milli SSH og ríkisins var samþykkt í borgarstjórn?
5. Hvað er gert ráð fyrir að útboðið verði stórt í krónum talið?“
