-sme:
Enn missti Bjarni stjórn á skapi sínu. Í stjórnleysi talaði hann niður til alls þess fólks sem hefur unnið ótrúlegt starf á sjúkrahúsum landsins og víðar í baráttunni við Covid.
Bjarni Benediktsson á stundum bágt. Hann þarf ekki mikið til að missi stjórn á skapi sínu. Þetta vitum við öll sem höfum fylgst með útsendingum frá Alþingi. Einkum eru það tveir þingmenn sem fjármálaráðherrann þolir ekki. Eins og honum finnist fyrir meðan sína virðingu að svara þeim þegar þeir spyrja ráðherrann Bjarna.
Bjarni verður seint sagður vera orðheppinn maður. Minnug erum við þegar hann sagði í ræðustól, þá endurkjörinn formaður á landsfundi Sjálfstæðisflokksins, að sér liði eins og skyri, hann væri svo hrærður. Eins þegar honum mislíkaði að Björn Leví gengi um þingsalinn á sokkaleileistunum. „Á sitthvorum sokknum,“ sagði Bjarni en Björn Leví var í ósamstæðum sokkum. Þetta er nú bara saklaust.
Skjáskot: RÚV.
Það eru þeir Guðmundur Ingi Kristinsson og Björn Leví Gunnarsson, sem Bjarni virðist ekki þola. Þegar þeir ávarpa Bjarni kemur oftar en ekki í ljós hversu stuttur þráðurinn í Bjarna er.
Enn missti Bjarni stjórn á skapi sínu. Í stjórnleysi talaði hann niður til alls þess fólks sem hefur unnið ótrúlegt starf á sjúkrahúsum landsins og víðar í baráttunni við Covid. Ég ætla að leyfa mér að segja að kjáninn hafi krafist meiri framlegðar frá fólkinu og andskotaðist út í allt og alla nema sig og sína.
Meðan meginhluti þjóðarinnar dáist að fórnfýsi fólksins skammast ráðherrakjáninn eins og argasta fífl. Þetta er engum bjóðandi, ekki heilbrigðisstarfsfólkinu og ekki okkur hinum.
Því fyrr sem Bjarni verður flautaður út af, því betra. Við þetta er ekki búandi.
-sme
