Miðflokkurinn mun styðja við öll þau mál sem ríkisstjórnin leggur fram sem verða til þess að auka orkuöryggi í landinu, styðja við framleiðslu grænnar orku þannig að við komumst úr sporunum.
Bergþór Ólason.
Alþingi: Bergþór Ólason, þingflokksformaður Miðflokksins, sagði á þingi í dag:
„Eins og kom fram hér í óundirbúnum fyrirspurnatíma áðan þá virðist orkumálaráðherra vera nokkuð tvístígandi varðandi næstu skref í þeim orkuskorti sem fram undan er. Í raun er staðan sú að eini Sjálfstæðismaðurinn á Íslandi sem telur allt á fullu í orkumálum er ráðherra orkumála. Hann virðist vera undir hælnum á Landvernd og pólitískum armi félagsins, Vinstrihreyfingunni – grænu framboði, og því hef ég ákveðið fyrir hönd þingflokks Miðflokksins, eftir samráð við þingflokkinn í heild sinni, að lýsa yfir stuðningi þess efnis að Miðflokkurinn mun styðja við öll þau mál sem ríkisstjórnin leggur fram sem verða til þess að auka orkuöryggi í landinu, styðja við framleiðslu grænnar orku þannig að við komumst úr sporunum. Þessi kyrrstaða sem hæstvirtur orkumálaráðherra virðist telja bara vera á ágætisstað gengur ekki mikið lengur. Ég ítreka: Þingflokkur Miðflokksins mun styðja við þau mál sem fram koma og ég kannski ítreka spurninguna sem fram kom: Eru einhver mál sem hafa verið stoppuð?“
Glettninni fylgdi mikill alvara. Þorgerður Katrín Gunnarsdóttir, formaður Viðreisnar, talaði á sömu lund á Bergþór hafði gert. Viðreisn er tilbúin í nýja meirihluta á Alþingi. Hið minnsta meirihluta um virkjunarmálin.
-sme
