Líkingamál Viðreisnar:
Það eru 21 til 28 þúsund ódýrar Teslur á hverju ári. Eða 7 til 9 þúsund Landcruiser Luxery.
„Lausnin er auðvitað sú að hætta að úthluta byggðakvóta og setja hann á markað,“ skrifar stofnandi Viðreisnar, Benedikt Jóhannesson, sannfærður um að best sé að leggja byggðakvótann af.
Þau sveitarfélög sem eru verst sett vegna kvótakerfisins eiga eflaust erfitt með að keppa um byggðakvótann við þau sem betur eru sett.
„Byggðastuðningur á að vera í formi peninga og með skýr markmið. Bæjarfélögin geta þá keypt kvóta, telji þau það uppfylla markmiðin best,“ skrifar stofnandi Viðreisnar.
Hann fer á flug og tekur dæmi sem fáir geta tengt við, þó einhverjir: „Byggðakvótinn er stór hluti af heildaraflamarkinu eða 5,3%. Aðeins fjórar útgerðir á landinu fá meiri kvóta í sinn hlut. Verðmætin sem ríkið úthlutar til byggðanna eru mikil eða milli 5,5 til 7,6 milljarðar króna samkvæmt skýrslunni. Kvótanum er dreift án nokkurra skilyrða – til þess að færa ástandið fimmtíu ár aftur í tímann!
Miðað við þetta er árlegt verðmæti alls kvóta á landinu 100 til 150 milljarðar króna. Það eru 21 til 28 þúsund ódýrar Teslur á hverju ári. Eða 7 til 9 þúsund Landcruiser Luxery, svo talað sé mál sem útgerðarmenn skilja.“
Veröld Viðreisnar er sýnilega veröld fárra. Veröld þeirra sem skilja helst líkingamál þar sem ofgnóttin ræður.
Grein Benedikts Jóhannessonar birtist í Mogga dagsins.
