Gunnar Smári skrifar:
Logi Einarsson sagðist vilja vinna með VG, Pírötum, Framsókn og Viðreisn, flokkum sem hann taldi skyldasta Samfylkingunni. En hafði svo nokkrar fyrirvara varðandi Sósíalistum. Ekki vil ég draga of miklar ályktanir af þessu. Samfylkingin og VG er bæði flokkar sem eiga rætur í verkalýðsbaráttu og sósíalisma á síðustu öld og Framsókn hefur löngum átt félagshyggju-arm. Það má segja það sama hjá Pírötum. Þótt flokkurinn hafi verið að færast til hægri á undanförnum misserum, þá hefur margt félagshyggjufólk reynt að starfa innan Pírata. En Viðreisn? Hvað er hún að gera í þessu samhengi? Viðreisn er últra nýfrjálshyggjuflokkur, hugmyndalega í raun harðari hægri flokkur en Sjálfstæðisflokkurinn, sem er valdaflokkur sem getur brugðið fyrir sér ýmsum hugmyndastefnum til að halda völdum.
