Neytendur Ragnheiður Elín Árnadóttir ferðamálaráðherra segir að greinin sjálf, þeir sem þjónusta ferðafólk, verði sjálf að gæta að sér í verðlagningu, ekki komi til greina að til verði opinbert verðlagseftirlit sem fylgist með hvað súkkulaðitertusneið kosti við Mývatn eða hvað einstaka hótelherbergi kosti. Þetta og fleira kom fram í þættinum Sprengisandur á Bylgjunni á sunnudaginn.
„En nýlega tekur maður því miður eftir því að reynt er að féflétta ferðafólkið meira en réttlætanlegt er,“ segir Þjóðverjinn Helmut Jünemann, einsog Miðjan greindi frá fyrr í dag, sjá nánar hér.
Ragnheiður Elín segist sjálf hafa ferðast um í sumar og hún hafi ekki séð þau háu verð sem hafa verið til umræðu í samfélaginu.
„Land eins og Ísland sem hefur miklar tekjur af ferðamennskunni ætti að stíga varlega til jarðar hvað verðlag snertir. „Fórnfýsi“ ferðamanna er ekki endalaus. Og ekki koma einungis milljónamæringar hingað til að skoða landið,“ skrifar Helmut Jünemann.
