Katrín Baldursdóttir skrifar:
Lilja Alfreðsdóttir hefur nú í margar vikur reynt að sleppa við að svara því hvaða lögfræðingar og sérfræðingar hjálpuðu henni við að taka ákvörðun um að áfrýja máli sem hún tapaði í Héraðsdómi um að ráða flokksbróður sinn í toppstöðu í menntamálaráðuneytinu og ganga þar með framhjá konu sem kærði ráðninguna. Lilja sagðist hafa fengið færustu lögfræðinga og sérfræðinga til að fá þá niðurstöðu að áfrýja málinu til Landsréttar þótt hún hafi gerst sek um að brjóta jafnréttislög. Í margar vikur hafa þingmenn og fjölmiðlar beðið um svör, en engin svör hafa fengist frá Lilju sem er greinilega að reyna að sleppa við að svara, sem þýðir að hún hlýtur að hafa mjög slæma samvisku.
Það tók Lilju aðeins fjóra klukkutíma að ákveða að áfrýja málinu en samt sagðist hún hafa fengið frábæra lögfræðinga og sérfræðinga til að ráðleggja sér í málinu. Þvílík hraðþjónusta. Þessu trúir auðvitað enginn, enda vill hún ekki svara þessu, biður um frest til að svara því og er að reyna að komast upp með að svara því ekki fyrir þinglok.