VG flokkur „vel­meg­andi hópi há­skóla­fólks og sér­fræðinga“

„Þessi álykt­un er um­hugs­un­ar­efni fyr­ir for­sæt­is­ráðherra, formann Vinstri grænna. Vissu­lega hef­ur vakið at­hygli um hríð að tengsl flokks­ins við launþega­hreyf­ing­una minnki hratt og hann halli sér í aukn­um mæli að vel­meg­andi hópi há­skóla­fólks og sér­fræðinga sem njóti launa og ör­ygg­is fyr­ir að er­inda fyr­ir hið op­in­bera.“

Það er Davíð Oddsson sem baunar á Vinstri græn í leiðara dagsins. Tilefnið er þriðji orkupakkinn. Davíð styður sig við umsögn ASÍ um orkupakkann. ASÍ er sama sinnis og Davíð, eru á móti.

„Það mun ekki bæta traust og vaxt­ar­mögu­leika VG verði sú til­finn­ing ríkj­andi að flokks­for­yst­an geri lítið með sjón­ar­mið úr öðrum átt­um,“ skrifar ritstjórinn í Hádegismóum.

„Það er ekki aðeins eft­ir­tekt­ar­vert held­ur him­in­hróp­andi að þeir sem ætla sér nú að fara gegn sí­vax­andi andúð al­menn­ings á þessu máli færa ekk­ert fram sem mæl­ir með slíkri fram­göngu. Öll rök þeirra, svo fá­tæk­leg sem þau eru, snú­ast um að þær hætt­ur sem al­menn­ing­ur telji stafa af mál­inu og blasa reynd­ar við, séu ekki jafn al­var­leg­ar og fólk­inu finnst. Því valdi „fyr­ir­var­arn­ir“. Fyr­ir­var­arn­ir? Hvaða fyr­ir­var­ar? Jú þá er vísað í minn­is­blað um viðhorf sem sendi­nefnd und­ir for­ystu ís­lenska ut­an­rík­is­ráðherr­ans hafi fengið að viðra við einn af kommissörum ESB og af­henda á fundi með hon­um, þar sem sá viður­kenni að hafa verið viðstadd­ur.“

Forysta Sjálfstæðisflokksins fær frið þennan daginn.