Verð máltíða í mötuneyti Alþingis hækkar um áramótin. Fer úr 680 krónum í 700 krónur, hver máltíð hækkar sem sagt um tuttugu krónur.
Í eldri frétt Miðjunnar um verðlagningu í mötuneyti þingsins, sagði:
Þingmenn og starfsfólk Alþingis borga 680 krónur fyrir máltíð í þinghúsinu. Utanaðkomandi borga 1.250 krónur fyrir máltíðina.
Í svari Helga Bernódussonar, skrifstofustjóra Alþingis til Miðjunnar, segir að ríkið greiðir kostnað við rekstur mötuneytis, það er gert samkvæmt kjarasamningi (grein 3.4.1.).
Starfsmenn greiða hins vegar fyrir hráefniskostnað. Alþingismenn falla undir sömu reglu og starfsmenn, þ.e. greiða fyrir hráefniskostnað. Aðrir ríkisstarfsmenn, sem snæða tilfallandi í mötuneyti Alþingis, eins og starfsmenn ráðuneyta sem vegna starfa sinna eru á Alþingissvæðinu á matmálstíma, greiða sama verð og starfsmenn Alþingis. Verðið er 680 kr. fyrir máltíðina.
