Sanna Magdalena Mörtudóttir skrifar:
Veit einhver hvaða köku hann er að tala um? Fyrir nokkru síðan horfði ég á þætti þar sem efnað fólk prófaði að búa hjá fátæku fólki í smá tíma og það mátti ekki nota peninginn sinn né tengslanetið sitt á meðan á tímanum stóð. Það væri athyglisvert að sjá fjármálaráðherra í þeirri stöðu. Ef að kökusneiðin er svona myndarleg, afhverju ekki þá bara að lifa af þeirri upphæð sem lægstu bæturnar eru? Gæti hann það? Myndi slíkt leiða til hækkunar á örorkubótum? Þær eru bara 3/4 af lægstu launum. Það er ekki að „standa myndarlega við bakið á þeim sem aldrei fengu tækifæri í lífinu“ eins og Bjarni virðist halda fram í orðum sínum í meðfylgjandi frétt.