Jakob F. Ásgeirsson, ritstjóri og útgefandi, sagði á Sprengisandi í gærmorgunn, að Sjálfstæðisflokkurinn gjaldi þess að forysta flokksins hafi verið veik eftir að Davíð Oddsson lét af formennsku í flokknum. Jakob, sem er stuðningsmaður flokksins og hefur verið dyggur stuðningsmaður Davíðs Oddssonar sagði að þeir sem hafi gegnt formennsku eftir að Davíð hætti, það er Geir H. Haarde og Bjarni Benediktsson, hafi ekki náð að vera sterkir leiðtogar.
Aðspurður hvort hann vildi að Davíð yrði formaður flokksins á ný, sagði Jakob: „Hvað sem um lýðræði má segja og að fólk vilji að þeir fylgi þeirra sjónarmiðum, þá vill fólk líka leiðsögn. Það vill forystumenn sem það ber traust til og sem leiðir það. Það hefur einfaldlega vantað. Það er margt gott að segja um þetta fólk og ég hef verið stuðningsmaður Bjarna Benediktssonar, en það vantar sterkan leiðtoga. Landslagið myndi gjörbreytast ef hann væri.“
Jakob sagðist telja að í augum ungs fólks væri Sjálfstæðisflokkurinn kerfisflokkur, flokkur stórra hagsmunasamtaka.
„Það sem vantar hjá forystu Sjálfstæðisflokksins, og almennt í íslensk stjórnmál, er pólitísk sannfæring.Það nær enginn árangri í stjórnmálum án hennar og að vera tilbúinn að standa eða falla með henni.“
Viltu Davíð aftur til forystu í Sjálfstæðisflokknum?
„Hann er í öðrum störfum. Sjálfstæðisflokkurinn þrífst ekki án sterks formanns, einsog saga hans sýnir glögglega.
