Pawel Bartoszek upplýsti, í Silfrinu í morgun að Kristján Þór Júlíusson menntamálaráðherra, hafi sagt sér, og þá væntanlega fleiri stjórnarþingmönnum, af fyrirætlunum um sameiningu Fjölbrautarskólans við Ármúla og Tækniskólans, undir merkjum og forræði Tækniskólans.
Pawel sagðist hafa verið beðinn um að halda trúnað um málið, sem hann hafi og gert. Hann sagði óheppilegt að slíkar fyrirætlanir spyrðust út.
Andrés Ingi Jónsson, þingmaður VG og sem á sæti í menntamálanefnd þingsins, rét t einsog Pawel, var einnig gestur í þættinum. Ljóst var að honum var brugðið við þessar upplýsingar. Sama var með Halldóru Mogensen Pírata og Silju Dögg Gunnarsdóttur Framsóknarflokki.
Þú gætir haft áhuga á þessum
