Kannski er kominn tími til að þjóðin, og þar með taldir nokkrir hávaðasamir alþingismenn, átti sig á því hvað raunverulega gengur á. Hér á sér stað valdabarátta. Þessi barátta snýst um valdið til að skipa nýja dómara,“ skrifar Jón Steinar Gunnlaugsson, fyrrum hæstaréttardómari í Moggann í dag.
Jón er að skrifa um dóma Hæstaréttar um skipanir dómara Sigríðar Á. Andersen í Landsrétt. Jón talar um „grímulausar valdbeitingar“. Dómarnir í desember standast ekki lögfræðilegar lágmarkskröfur. Þeir fela í sér grímulausa valdbeitingu gegn dómsmálaráðherra og þeim er einungis ætlað að refsa honum fyrir að lúta ekki fyrirmælum. Með þessum gjörðum sínum sýna dómarar að þeir hika ekki við að misbeita dómsvaldi sínu í þágu baráttu við ráðherra um valdið til að velja nýja dómara að dómstólum landsins. Það er mikið áfall fyrir alla sem unna hugmyndinni um hlutlausa dómstóla að þurfa að verða vitni að þessu,“ skrifar Jón Steinar.
