Menntun Tuttugu og einn ferðaráðgjafi útskrifaðist frá Ferðamálaskólanum í Kópavogi að þessu sinni. Námið er fjölbreytt og skemmtilegt þar sem fjallað er um helstu ferðamannastaði á Íslandi og úti í heimi, uppbyggingu og starfsemi greinarinnar, markaðssetningu og rekstur ferðaþjónustu.Verkefnin eru raunhæf og nemendur fara í vettvangsferðir og í heimsóknir í ferðaþjónustufyrirtæki. Ferðamálaskólinn er þekktur fyrir öflugt starfsnám en til að ljúka námi er skylt að fara á þriggja mánaða starfssamning hjá fyrirtæki í ferðaþjónustu sem getur farið fram samhliða námi eða að bóklega náminu loknu. Þetta er mjög hagnýtt og gott nám og eru nemendur hæfir til að takast á við fjölbreytt störf í ferðaþjónustu strax að námi loknu.
- Advertisement -
