Kristján Loftsson gerði aldrei neitt með skilyrði sem sett voru vegna hvalskurðar. Lét sem hann hefði ekki heyrt af skilyrðunum. Kristján átti að hætta matvælavinnslu í fjöruborðinu þar sem honum var gert að byggja yfir hvalskurðinn. Kristján Loftsson lét það sem vind um eyru þjóta.
Nú ber vel í veiði hjá Kristjáni Loftssyni. Nafni hans, Kristján Þór Júlíusson, er sjávarútvegsráðherra, og hann var ekki lengi að redda málunum. Hann setti bara reglugerð þar sem ákvörðun Matvælastofnunnar var ógild og Kristján hvalfangari getur enn skorið hvalina sína utandyra, einsog ekkert hafi í skorist. Og sparað sé mikla peninga.
Þegar Kristján Þór var settur í sjávarútvegsráðuneytið var eðlilega bent á að hann hafi áður verið stjórnarformaður Samherja og því hefur hann mikil tengsl við stórútgerðina.