Eini stjórnmálflokkurinn, sem skilur þessa stöðu og er tilbúinn til að berjast fyrir fullri ESB-aðild og Evru í næstu kosningum, er Viðreisn.
Ole Anton Bieltvedt.
Ole Anton Bieltvedt skrifar:
Stjórnmál Stærsta hagsmunamál landsmanna er fyrir undirrituðum endanleg innganga í ESB og upptaka Evru. Ekki er hægt fyrir okkur að taka upp Evru, nema við verðum fyrst fullgilt ESB-aðildarríki. Við erum í reynd 80-90% í ESB, í gegnum EES-samningin og þátttöku í Schengen-samkomulaginu. Við erum þó með öllu áhrifalaus innan ESB, höfum enga setu við borðið neins staðar þar, þar sem við erum ekki fullt og formlegt aðildarríki.
Með inngöngu næðum við því ekki aðeins aðgangi að Evru, til að tryggja okkar fjárhagslega öryggi, fyrirsjánleika, vissu um stöðu okkar, tryggingu fyrir því, að skuldir okkar gætu ekki vaðið upp, jafnvel margfaldast, eins og hér gerist í krónu-hagkerfinu, heldur fengjum við okkar eiginn kommissar, ráðherra, eins og öll hin aðildarríkin, hvert bara einn, stór sem smá, 6 þingmenn á Evrópuþingið, setu í öllum helztu nefndum og ráðum, auk neiturvalds í öllum helztu málum. Þetta er stærsta hagsmunamál Íslendinga á þessum tímum og til framtíðar.
Eini stjórnmálflokkurinn, sem skilur þessa stöðu og er tilbúinn til að berjast fyrir fullri ESB-aðild og Evru í næstu kosningum, er Viðreisn. Forustumenn flokksins og flokksmenn allir eiga heiður skilið fyrir það.
Gallinn á gjöf Njarðar er bara sá, að Viðreisn hefur enn ekki burði til að ná því fylgi, sem þarf til að tryggja aðgang að völdum og framgang stefnumála. Ástæðan er sú, að stefnumál flokksins eru í of þröngum stakki, þó að fín séu, jafn langt og þau ná.
Til að tryggja stóraukið fylgi og traustan aðgang að völdum og viðhaldi þeirra, í minnst 2-3 kjörtímabil, en það er sá tími, sem þarf til að brjóta upp gömul og úrelt valda- og sérhagsmunakerfi, og klíkur, hér og innleiða nútímalega og framfarasinnaða stjórnarhætti, þarf flokkurinn að stokka upp og útvíkka sín stefnumál, líka stjórn flokksins og breyta nafni til áherzlu þessarar upprisu.
Kosningar 2025 – Hugmyndir að eflingu og styrkingu stöðu og áhrifa Viðreisnar
1.Nýr grundvöllurverði lagður
Grundvöllur verði lagður til að tryggja C 40-50.000 atkvæði (20-25%), og 13-16 þingmenn, 2025, svo og 4-5 ráðherra, með sérstakri áherzlu á (1) efnahagsmál (ESB, Evra, lágvextir), (2) umhverfismál (vernd jarðar; láðs, lofts og lagar – dýra-, náttúru- og umhvefisvernd) (3) menntamál (sterk staða PISA, menntaskóli fjórir vetur), (4) heilbrigðismál (forvarnir, hollusta; heilbrigðiskerfi verði ekki umfarm allt til að lækna, heldur og ekki síður til að fyrirbyggja sjúkdóma), og svo (5) velferðarmál eldri borgara (tekjuskattleysi frá 75 ára aldri).
- Þetta verði gert með uppstokkun/útvíkkun baráttumála og nýju/auknu forustuliði
- Til viðbótar við núverandi „frjálræðis- og jafnréttisgeira“ komi breiður og öflugur grænn geiri
- Og, svo sérstök stefnumörkun til að tryggja eldri borgurum aukinn rétt og aukna velferð, einkum með skattleysi frá 75 ára aldri (fjármagnstekjuskattur haldist þó)
- Leitað verði til fyrrverandi eða núverandi Alþingismanna, annarra flokka, sem hafa nú þegar mikilvæga
reynslu og sitt eigið persónufylgi, og standa sterklega fyrir grænni stefnu, en eru ósáttir við sína núverandi stöðu, svo og til annarra framúrskarandi manna, sem njóta virðingar, velvildar og fylgis, hver á sínu sviði, um samstarf innan vébanda C. Þannig komi inn í C 7-9 ný þingmannsefni
– Hugmynd undirritaðs er, að nafni flokksins verði breytt í Græn Viðreisn, og, að formenn C verði 2, við þessar breytingar, í stað eins, karl og kona, eins og tíðkast m.a. í Þýzkalandi. Sama gildi um varaformenn.
3. Kosningamál yrðu þessi helzt
1. ESB/Evra til að tryggja beztan mögulegan efnahagslega grundvöll; stöðugleika, fyrirsjánaneika og lágmarksvexti. Þjóðarbúið gæti sparað 400 milljarða á ári
2. Veruleg hækkun auðlindagjalda (30% af hagnaði sjávarútvegsfyrirtækja, að greiddum sköttum)
3. Sama bankagjald (sama)
4. Stórfelld efling menntunnar. Sterk staða í PISA (meðal 10 efstu).
Almennt menntun er feiki þýðingarmikil. Menntaskóli verði aftur 4 vetur.
5. Sama, heilbrigðismál. Áherzla á upplýsingagjöf, menntun og áróður um heilbrigt líferni og góða hollustuhætti. Forvarnir. Barátta gegn yfirþyngd m.m. Heilbrigðismál gangi ekki helzt út á að lækna sjúka, heldur að fyrirbyggja, að fólk verði sjúkt. Nýtt átak verði gert í íþrótta- og heilsuræktarmálum
6. Sama umhverfismál. Hvalir, rjúpa, lundi, selir (eiga að vera friðaðir, en eru það ekki) verði friðuð. Blóðmerahald og loðdýrarækt verði bannað. Veiðar á villtum dýrum verði endurskoðaðar í anda aukinnar dýravelferðar. Hreinkýr verði ekki veiddar meðan að þær eru mjólkandi. Haglabyssur bannaðar. Áherzla flutt á náttúrulegt og dýravænt dýrahald (BIO) til manneldis (Astrid Lindgren, Lex Lindgren 1987)
8. Sama löggæsla; bann við vopnaburði í þéttbýli og háar sektir. Dæmdum brotamönnum verði vísað úr landi eftir afplánun og þeir settir á bannlista
9. Sókn í orkumálum. Vindorka komi sterklega inn. Sjávarfallaorka verði skoðuð og nýtt sem allra fyrst (Færeyingar eru þar langt komnir). Leyfisferlar stórlega einfaldaðir. Sókn samhliða í almenni umhverfisvernd
10. Tvöfallt hærra verðlag varnings hér verði kannað/greint. Lausna leitað til aukinnar samkeppni til að tryggja lægra vöruverð. Þrýst verði á um uppstokkun kostnaðarsamra og úreltra heildsölukerfa og hvatt til beins innflutnings frá verksmiðjum. „Beint úr verksmiðju í búð“. Stuðningur við innkomu erlendra smásölkeðja (LIDL, ALDI?)
11. Vísitölu- og vaxtakerfi verið skoðuð og stokkuð upp. Húsnæðiskostnaður tekinn út
12.Stjórnarskrá enduskoðuð að vilja meirihluta þjóðarinnar (jafnt vægi atkvæða, auðlindirnar tilheyri þjóðinni)