Svissneski auðkýfingurinn Ólafur Ólafsson, gaf Framsóknarflokknum hús undir höfuðstöðvar sínar.
Gunnar Smári skrifar:
Sorglegur lestur. Formaður Framsóknarflokksins, ráðherra rúm fimm ár af síðustu sex árum, þar af forsætisráðherra um tíma, lýsir því hversu mikið hann hafi verið á móti uppkaupum auðkýfinga á bújörðum, sem ráðherra Framsóknarflokksins opnaði fyrir 2004, hversu vel hann viti af megnri andstöðu þjóðarinnar gegn þessum jarðakaupum og svo hvað hann hefur gert: Ekki neitt, núll. Þetta er ekki bara sorglegt vegna þess að stjórnmálamönnum virðist ófært að framkvæma neitt sem fellur að vilja megin þorra fólks heldur upplifa þessir fulltrúar okkar sig sem valdalausa vesalinga innan veraldar sem tilheyrir einhverjum allt öðrum, og þá líklega auðkýfingunum.
Kannski ættum við að hætta að kjósa fólk sem hefur selt sál sína fyrir fram. Einn helsti jarðakauðandi á Íslandi, svissneski auðkýfingurinn Ólafur Ólafsson, gaf Framsóknarflokknum hús undir höfuðstöðvar sínar.