Ellefu stjórnarmenn í Eflingu sendu út yfirlýsingu í gærkvöldi þar sem Guðmundur var sagður hafa viðrað hugmyndir um að stofna klofningsfélag en hann var jafnframt hvattur til þess að segja sæti sínu í stjórninni lausu. Þá var því haldið fram að Guðmundur hefði áður ófrægt stjórnarmenn á opinberum vettvangi og vinnubrögðum hans líkt við ofríki: „Að okkar mati þarf ekki að fjölyrða frekar um hollustu Guðmundar við Eflingu og félagsmenn Eflingar. Við hvetjum Guðmund til að segja sig úr stjórn Eflingar og láta verða af hugmyndum sínum um stofnun nýs klofnings-stéttarfélags.“