„Tuddarnir á skólalóðinni“ óttast Stefán
Kolbrún Baldursdóttir og Vigdís Hauksdóttir eru ekki sáttar með að Stefán Eiríksson hafi verið valinn í starf útvarpsstjóra.
„Í öllum breytingum felast tækifæri – tækifærin liggja í ráðhúsinu við brotthvarf borgarritara
Hins vegar skil ég ekki þessa ráðningu hjá stjórn RÚV – þar sem viðkomandi kallaði okkur í minnihlutanum „tudda á skólalóð“ í pósti til þúsunda starfsmanna Reykjavíkur – í því felst mikil fyrirlitning í garð þeirra sem eru EKKI í „réttum flokkum“.
Nú verður að stóla á lögin um RÚV varðandi hlutleysi,” skrifar Vigdís á Facebook.
Kolbrún skrifar á Facebook:
„Ég veit svo sem ekki hvernig ruv virkar en mér er nú bara smá brugðið. Er fólk ekki hrætt um að hér séu hagsmunaárekstrar? Nú verður okkur í minnihlutanum bara úthúðað á ruv og sagðar bara einhverjar englafréttir af meirihlutanum í borginni:) Dagur á þarna aldeilis góðan vin, hauk í horni. Það er þetta með hlutleysi og allt það? Kannski erfitt að vera alveg hlutlaus og sennilega er enginn alveg hlutlaus en þetta er kannski aðeins of mikið. En skal ekki segja, ég er nú bara að tala út frá tilfinningu núna og tilfinningar eru hvorki réttar né rangar.“