Trump stendur þetta af sér

Alvarleg störukeppni fer fram í Bandaríkjunum. James Comey, fyrrverandi forstjóri bandarísku alríkislögreglunnar FBI, fer gegn Donald Trump, forseta Bandaríkjanna.

Engu skiptir hvorum þeirra hvert og eitt vill trúa. Þeir deila mest um hvað fór fram þeirra á milli, í tveggja manna tali. Það gerir stöðu forsetans sterka í rimmunni. Þrátt fyrir að leit sé að þeim sem innst inni trúir því sem hann á eftir að segja og lögmaður hans er þegar farinn að segja, í vörninni gegn ásökunum Comey.

Að vonum hefur þetta allt vakið athygli um nánast allan heim. Ásakanir Comeys eru alvarlegar og hljóma sannfærandi. Trúlega eru þær réttar. En í þessu máli sem öðrum, er erfitt að sanna hvað fór fram þegar þeir tveir sátu saman, Trump og Comey. Eftiráskrifaðir minnismiðar mega sín væntanlega lítlis þegar til alvörunnar kemur, kom til hennar.

Nógu margir Bandaríkjamenn greiddu Trump atkvæði sitt til að hann situr í þessu mikla valdasæti. Staðan er ekki góð og verður ekki góð meðan hann heldur embætti. Endursagnir Comeys og minnismiðar hans verða trúlega ekki til að fella Donald Trump úr embætti forseta. Meira mun þurfa til. Að því kemur.