Trójuhestar og falskar fiðlur Vinstri Grænna

Sjávarútvegsráðherra og forsætisráðherra virðast vera þær sem valdaránið er að fremja í stjórnmálahreyfingu Vinstri Grænna . Þetta er líka valdarán frá fólkinu sem kaus VG. Eina vald fólksins eru kosningar og ef farið er svona með það eins og þið tvær gerið er það kallað valdarán hjá öllum siðmenntuðum þjóðum. Skora á aðra þingmenn VG að sprengja þennan flokk í tætlur til að láta fólk ekki komast upp með að komast inn á þing á fölskum forsendum og svíkja eigin flokk, kjósendur,stefnu og þjóð spilandi með kjósendur á falskar fiðlur sínar. Ég krefst þess hér með að Svandís Svavarsdóttir og Katrín Jakobsdóttir segi af sér embætti ekki seinna en strax í dag áður en þið valdið þjóðinni meiri skaða og ykkar eigin flokksfélögum. Þeir heiðarlegu þingmenn sem eruð í VG skora ég á að ganga úr flokknum eða koma þessum valdaránsfólki burt og lengra en það ef þið eruð með eitthvað sem getur kallast bein í nefinu og ganga í aðra heiðarlega flokka, sama hvort þið eruð þingmenn eða ekki. Burt Svandís Svavarsdóttir og Katrín Jakobsdóttir, þið eruð búinn að sanna fyrir þjóðinni að þið eruð ekki á þingi fyrir fólkið í landinu og hafið aldrei verið það og ætlið ykkur aldrei að vera það. Þið eruð hinir einu sönnu Trójuhestar í stjórnmálahreyfingu VG spilandi á ykkar fölsku fiðlur. 

Nú lýður að sveitastjórnarkosningum um land allt. Mikið af heiðarlegu fólki mun ákveða að gefa kost á sér fyrir hin og þessi framboð og stefnur þeirra til þess að láta eitthvað gott eftir sig liggja fyrir land og þjóð og vinna heilshugar að almannahagsmunum. Ég vill vara fólk við sem ákveður að gefa kost á sér fyrir hönd hreyfingarinnar VG í þessum sveitastjórnakosningum. Bara ekki gera það ef þið eruð heiðarlegt fólk með hugsjónir um að vinna hér að almannahagsmunum. Þannig fólk fær ekki brautargengi innan Vinstri Grænna, þeir fá rýting í bakið. En ef þið eruð óheiðarleg og siðblind, þá kannski hentar það ykkur, en þið skulið þá gera kjósendum grein fyrir því áður en það kýs! 

Trójuhestar innan Vinstri Grænna  tóku stefnu og kosningaloforð VG og sturtuðu þeim ofan í klósettið strax sama kvöld og kjörstöðum lokaði eftir alþingiskosningarnar í haust án þess svo mikið að blikna við það, slík er ósvífnin. 

Hræsnin, lygarnar, undirferlin og mannfyrirlitningin hjá þessum Trójuhestum er á pari við aðra sem sýnt hafa einræðistilburði í mannkynssögunni. Það heiðarlega fólk sem bauð sig fram fyrir VG í alþingiskosningunum og taldi fólki og sjálfum sér trú um að þau stæðu fyrir stefnu VG og fluttu loforð um að framkvæma hana hafa öll verið stungin með rýting í bakið eins og þið og alþjóð veit. Þannig virka Trójuhestar og falskar fiðlur…  

Það heiðarlega fólk sem lagði mannorð sitt undir í alþingiskosningunum og hélt að það væri að standa með stefnu VG  og loforðum sínum var svikið ásamt þjóðinni . Þær stungu alla sem buðu sig fram fyrir hreyfinguna og kjósendur VG í bakið með rýting fengin lánaðan á skrifstofu SFS. Já skrifstofu SFS því þættirnir Verbúðin er ekki bara gömul saga, hún er líka samtímasaga og mun halda áfram á morgun bara ef við leifum henni það. Þessum Trójuhestum er alveg sama um fólkið í landinu og almannaheill, það eina sem kitlar hégóma þeirra er að finnast sem þær hafi völd yfir öðru fólki og þær þrá það að þið óttist þær. Og trúið mér að  þær kunna ekki að fara með völd, þær misnota þau óspart gegn þjóðinni og heiðarlegu samflokksfólki sínu.

Munið að þær fengu þessi völd með því að vera í formi Trójuhesta innan  Vinstri Grænna rétt fyrir kosningar því fólkið sem kaus VG var ekki að kjósa þetta. Þau voru að kjósa stefnu VG og það sem VG segist standa fyrir.  Þið ykkar sem ætlið að leggja mannorð ykkar að veði með því að bjóða ykkur á framboðslista Vinstri Grænna í komandi sveitarstjórnakosningum skuluð átta ykkur á því að þið verðið svikinn af sama fólki. Trójuhestarnir eru þarna með engar hugsjónir fyrir land og þjóð, bara fyrir sjálfan sig .Ykkar mannorð verður dregið ofan í forarpyttinn með þessu fólki og þið þurfið að svara fyrir svikin því þær munu fela sig á bak við ykkur þegar á hólminn verður komið . Þið sem haldið að þið séuð að fara að bjóða ykkur fram fyrir stefnu VG verðið að átta ykkur á því að svo er ekki, því það er sýnt og sannað að stefna og kosningaloforð VG er bara skrautfjöður á blaði til þess eins að plata ykkur og þjóðina til að ræna hana þeim einu völdum sem hún hefur sem eru kosningar. Veljið ykkur frekar heiðarlegar hreyfingar til að bjóða fram krafta ykkar og hugsjónir því innan VG verður hugsjónum ykkar og heiðarleika sturtað niður um leið og kosningum lýkur og þið gerð að þrælum valdníðslu, siðblindu, mannfyrirlitningar og hroka. Ég skora á alla heiðarlega þingmenn VG að losa sig við Trójuhestana úr þessari hreyfingu áður en þið verðið dregin niður í forarpyttinn sem þær eru búnar að skapa innan þessarar hreyfingar og skaðinn verður óafturkræfur fyrir ykkur og  þessa þjóð.

Ég skora á alla sem hyggjast gefa kost á sér fyrir VG í sveitarstjórnakosningunum að finna sér heiðarlegt framboð til að bjóða sig fram með þar sem hugsjónum ykkar og heiðarleika verður ekki sturtað ofan í klósettið og þið nýtt sem peð í þeim undirförla veruleika sem VG virðist vera. Ég skora líka á alla kjósendur þessa lands að sleppa því að kjósa VG í komandi sveitarstjórnarkosningum því fölsku fiðlunum í VG er nákvæmlega sama um ykkur, land og þjóð og almannaheill.