Strandveiðimenn urðu að greiða 40 milljónir í ríkissjóð á síðasta strandveiðitímabili. Sektirnar komu til vegna þess að sumir þeirra fiskuðu meira en leyft hámark segir til um. Hámarks afli hvern veiðidag eru 650 kíló.
„Á undanförnum árum hefur borið á því að nokkuð er um að menn veiði umfram þetta hámark. Endurgreiða þarf andvirði umframaflans í ríkissjóð en sá afli sem um ræðir dregst engu að síður frá þeim afla sem er til skiptanna á veiðunum. Fyrir vikið runnu tæpar 40 milljónir króna í ríkissjóð í fyrra sem ella hefðu farið í vasa strandveiðimanna,“ segir á vef Fiskistofu.
Fiskistofa hvetur strandveiðimenn til að gæta sem best að því að veiða ekki umframafla. Í sumar verður tekið upp það nýmæli að listi yfir þá báta sem veiða mest umfram verður birtur í hverjum mánuði á vef Fiskistofu.
-sme
