Ráðherrarnir vita upp á sig skömmina og reyna að verjast slæmri stöðu sinni.
Þorgerður Katrín Gunnarsdóttir vandaði ríkisstjórninni ekki tóninn á Alþingi rétt í þessu. Sagði ríkisstjórnina vera handónýta. Við blasir að ríkisstjórnin er þríklofinn. Sigurður Ingi, formaður Framsóknar sem hefur stórtapað fylgi, brást illa við fullyrðingum ÞKG.
Þorgerður benti til stuðning þess sem hún sagði að Seðlabankinn hefur hækkað stýrivexti ellefu sinnum í röð og öll búast við að síðar í þessum mánuði komi tólfta skiptið. Meðan grunnur undan efnahag þjóðarinnar veikist dag frá degi. Og ekkert gert annað en að Seðlabankinn hækkar vexti.
Meðan reynir fólk að standa af sér stórkostlegar hækkanir afborgana húsnæðislána. Því miður er engin von um að þríklofin og ósamstíga ríkisstjórn geti eða vilji leggja neitt til þessarar stöðu. Ráðherrarnir vita upp á sig skömmina og reyna að verjast slæmri stöðu sinni.
Bjarni bregst oftast illa við öllum athugasemdum, reynir að komast upp með að verða reiður, Sigurður Ingi er minni þannig útgáfa af Bjarna og Katrín kemur oftast með sín bragðlausu orðasalöt.
-sme
