Illugi Jökulsson hefur gert athugasemdir við nýjasta afrek Þórólfs Halldórssonar sýslumanns. Illugi skrifar:
„Sýslumaðurinn á Höfuðborgarsvæðinu er kunnur fyrir kosningaspjöll. Hann setti lögbann á Stundina, að því er virðist til að þóknast Sjálfstæðismönnum sem komu honum í hið vellaunaða starf sem hann gegnir nú. Hann hefur hagað utankjörfundaratkvæðagreiðslu á höfuðborgarsvæðinu þannig að til algjörra vansa er, í raun og veru ætti að reka embættismann sem klúðrar einföldu máli svo gjörsamlega. En við munum hafa þennan þjón Sjálfstæðisflokksins á launaskrá okkar þangað til hann sest í helgan stein og fer að þiggja þau ríflegu eftirlaun, sem við munum borga honum til æviloka. Spillingarveröld Sjálfstæðisflokksins, takk fyrir. Sú veröld sem VG ákvað að viðhalda með myndun ríkisstjórnar Katrínar Jakobsdóttur.“
