Gunnar Smári skrifar:
Er það ekki undarlegur lýðræðisskilningur hjá Alþingismönnum að neita að hlýða ákvörðun meirihluta kjósenda í þjóðaratkvæðagreiðslu um að landinu verði sett ný stjórnarskrá byggð á tillögu stjórnlagaráðs, en ætla síðan að samþykkja einir og sér, og án atbeina þjóðarinnar, aðskilnað ríkis og kirkju, sem meirihluti kjósenda hafnaði í sömu þjóðaratkvæðagreiðslu? Geta þingmenn orðið mikið ósvífnari en þetta?
Til upprifjunar, úrslit í þjóðaratkvæðagreiðslu 20. október 2012:
Vilt þú að tillögur stjórnlagaráðs verði lagðar til grundvallar frumvarpi að nýrri stjórnarskrá?
Já: 66,9% gildra atkvæða
Vilt þú að í nýrri stjórnarskrá verði ákvæði um þjóðkirkju á Íslandi?
Já: 57,1% gildra atkvæða
Er það ekki undarlegur lýðræðisskilningur hjá Alþingismönnum að neita að hlýða ákvörðun meirihluta kjósenda.
Ég myndi ætla að þessi niðurstaða skyldaði Alþingi til að samþykkja stjórnarskrá samkvæmt tillögum stjórnlagaráðs með þeirri undantekningu að fella burt úr tillögunum ákvæði um aðskilnað ríkis og kirkju. Þegar það er búið geta þingmenn reynt að afla fylgi við hugmyndir sínar um breytingar á hinni nýju stjórnarskrá. En fram að því að Alþingi hefur farið að vilja meirihluta kjósenda eru aðrar útgáfur að stjórnarskránni ekki á dagskrá þingsins. Það er bara svo. Þjóðin hefur talað, þið eigið að hlýða.
Er það ekki undarlegur lýðræðisskilningur hjá Alþingismönnum að neita að hlýða ákvörðun meirihluta kjósenda í þjóðaratkvæðagreiðslu um að landinu verði sett ný stjórnarskrá byggð á tillögu stjórnlagaráðs, en ætla síðan að samþykkja einir og sér, og án atbeina þjóðarinnar, aðskilnað ríkis og kirkju, sem meirihluti kjósenda hafnaði í sömu þjóðaratkvæðagreiðslu? Geta þingmenn orðið mikið ósvífnari en þetta?
Til upprifjunar, úrslit í þjóðaratkvæðagreiðslu 20. október 2012:
Vilt þú að tillögur stjórnlagaráðs verði lagðar til grundvallar frumvarpi að nýrri stjórnarskrá?
Já: 66,9% gildra atkvæða
Vilt þú að í nýrri stjórnarskrá verði ákvæði um þjóðkirkju á Íslandi?
Já: 57,1% gildra atkvæða
Ég myndi ætla að þessi niðurstaða skyldaði Alþingi til að samþykkja stjórnarskrá samkvæmt tillögum stjórnlagaráðs með þeirri undantekningu að fella burt úr tillögunum ákvæði um aðskilnað ríkis og kirkju. Þegar það er búið geta þingmenn reynt að afla fylgi við hugmyndir sínar um breytingar á hinni nýju stjórnarskrá. En fram að því að Alþingi hefur farið að vilja meirihluta kjósenda eru aðrar útgáfur að stjórnarskránni ekki á dagskrá þingsins. Það er bara svo. Þjóðin hefur talað, þið eigið að hlýða.
(Ég tek fram að sjálfur er ég fylgjandi aðskilnaði ríkis og kirkju og greiddi atkvæði samkvæmt því. Ég held að slíkur aðskilnaður sé góður fyrir alla; ríkið, þjóðina, kirkjuna og andlegt líf í landinu. En þjóðaratkvæðagreiðslur marka stefnu, sem öllum ber að beygja sig undir; öllum sem vilja halda sig við lýðræði. Niðurstaða þjóðaratkvæðis er ekki endanleg niðurstaða, við sem viljum aðskilnað getum enn unnið að því; en þjóðaratkvæðagreiðsla tekur málið af dagskrá í góðan tíma. Ég myndi telja næsta tækifæri aðskilnaðarsinna væri um 2032 til 2037. Þar sem þetta mál hefur einu sinni verið lagt fyrir þjóðina í þjóðaratkvæðagreiðslu er ekki hægt að breyta því nema með annarri slíkri, sem þingsályktunartillagan gerir ekki ráð fyrir. Mörg næstu árin og fram að næstu þjóðaratkvæðagreiðslu gildir því niðurstaða atkvæðagreiðslunnar frá 2012. Sættið ykkur við það.)
