Félag atvinnurekenda rammar þetta mál bara vel inn. „Að þiggja þannig persónuleg fríðindi vegna ferða sem skattgreiðendur kosta, heitir spilling og lög og siðareglur eiga að hindra slíkt.“ Þetta vildarpunktamál er auðleysanlegt. Nú þarf bara að leysa það, stoppa í holur og hætta að nota þetta ægilega einfalda mál sem afsökun fyrir að taka ekki spillingu alvarlega. Ég gagnrýndi þetta mál fyrir nokkrum dögum. Það er ekki vegna þess að ég telji þetta ekki spillingu heldur finnst mér kjánalegt að láta eins og svona mál sem tiltölulega einfalt er að laga sé áratugum saman til umræðu án aðgerða. Klárum þetta mál og stoppum í gatið því ef við getum ekki leyst þetta þá er nú ansi fátt sem við kunnum í rekstri samfélags.
