Gunnar Smári skrifar:
Þetta er náttúrlega ekki könnun, sem hægt er að draga miklar ályktanir af, heldur samkvæmisleikur svipaður og við leikum okkur stundum af hér í hópnum. En þetta segir að 1071 tóku þátt, svona rúmlega stóri salurinn í Háskólabíó, þar sem Júróvision er haldið. 300 sögðust ekki geta hugsað sér að kjósa Sósíalistaflokkinn, voru líklega fylgisfólk annarra flokka. 43 voru óvissir en 728 sögðust geta hugsað sér að kjósa sósíalista. Ef við gerum ráð fyrir að hin óákveðnu muni komast að sömu niðurstöðu og hinir þá geta 71% þeirra sem taka þátt í svona samkvæmisleik á Stundinni um miðjan febrúar 2020 hugsað sér að kjósa Sósíalistaflokkinn.
