Sigurgeir Sigmundsson skrifar:
Stjórnmál Ætla mætti að þessa daganna væru í aðsigi umfangsmiklar breytingar í íslenskum stjórnmálum eftir 8 ára óreiðutímabil þar sem miklum tíma og púðri hefur verið eytt í að verja verkstjórn Bjarna Benediktssonar. Langtímunum saman hefur Alþingi verið óstarfhæft vegna deilna um verklag hans. Lengst af var hann fjármálaráðherra og ég ætla ekki að eyða tíma hér í ræða þau hneykslis- og leiðindamál sem hafa komið upp í hans ráðherratíð.
Á þessari mynd eru tveir forystumenn sem væri hægt að kalla „VAXTAKÓNGANA.“
Sá minni er forseti í landi sem hefur þurft að þola grimmilega árás frá stórveldi og hafa orkuver, skólar, vegir, brýr, hafnir og aðrir nauðsynlegir innviðir verið eyðilagðir. Forseti þessa lands er alþýðuhetja sem hefur barist fyrir sjálfstæði þjóðarinnar með almenning að baki sér. Vextir á íbúðalánum eru 16.53%
Sá stærri er forsætisráðherra í landi sem er ríkt af auðlindum…
Sá stærri er forsætisráðherra í landi sem er ríkt af auðlindum og hefur aldrei þurft að þola innrás frá herskáum nábúum. Samt er það þannig að innviðir hafa verið vanræktir s.s. vegir, skólar, sjúkrahús en orkufrekur iðnaður er að mestu leiti í höndum erlendra auðhringja sem einnig eru að seilast í orkuauðlindina. Fiskurinn í sjónum er orðin eign örfárra fjölskyldna og fiskeldi ennfremur rekið af erlendum auðhringjum. Áhrif efnahagsstjórnar hans eru svipuð fyrir pyngju almennings og hjá stríðshrjáðum þjóðum þó ég sé samt engan vegin að líkja saman þeim stríðshörmungum sem almenningur í Úkraínu býr við. Almenningur hefur fylgst með en dyggilega studdur 1/5 hlut þjóðarinnar hefur hann komist upp með að keyra í gegn fjármálagjörninga sem 80% þjóðarinnar hafa verið á móti. Vextir af íbúðalánum 10.63 %.
Nú nálgast kosningar og allir vilja komast að. Loforð flokkana og stefna birtist okkur á hverjum degi en engin málefnaleg umræða á sér stað. „Það vita allir að kosningaloforð eru ekki loforð.“ Ég einhvern veginn er dofinn fyrir þessu háværa spjalli, með þá tilfinningu að meðan við breytum ekki lögum og reglum um hæfi þingmanna komust við hvorki lönd né strönd. Það er ekki eðlilegt að við þurfum að vera að velja á milli manna sem eru með 20 ára slóð á eftir sér af gjaldþrotum og hneykslismálum og annarra sem eru að reyna að komast inn á Alþingi af götunni. Þarna hefur Alþingi brugðist og menn þurfa að átta sig á að það er ekki nóg að reisa varnargirðingar í kringum Alþingishúsið til að halda pöpulnum úti. Pöpullinn á að vera inni, þverskurður þjóðarinnar í stað þeirra sem þjóna sérhagsmunum.
Já ég gleymdi að tala um fjársvelta lögreglu, fjármálaeftirlit, héraðssaksóknara og tollgæslu.
Nú er starfsstjórn Bjarna að vinna í því að koma í gegn að hvalveiðar verði leyfðar. Var það verkefni þessar starfsstjórnar? Þetta sýnir í hnotskurn vinnubrögðin og að það er ekkert heilagt. Mánuður í kosningar og 12 mánuðir í næsta veiðitímabil, en þarna er verið að þjóna aðila sem styrkir flokkinn á móti (og kannski eitthvað meira on the side? Hvað veit maður?). Á sama tíma er landið og miðin eftirlitslaust og það gæti þess vegna verið hvalveiðibátar frá öðrum löndum séu að veiða í landhelginni.
Já ég gleymdi að tala um fjársvelta lögreglu, fjármálaeftirlit, héraðssaksóknara og tollgæslu.
En í einhverri meðvirkni malla allir með í stað þess að taka á raunverulega vandamálinu sem er „SPILLING“. Mér finnst þetta hreinlega vandræðalegt.
En hvað ætlarðu svo að kjósa ???????????????
