Stjórnmálamenn og embættismenn með svona ferilskrá eiga ekki að fá tækifæri til að stjórna, því þau hafa sýnt hagsmunum þjóðarinnar fádæma tómlæti.
Sigurgeir Sigmundsson.
Sigurgeir Sigmundsson skrifar:
Það er ákvörðun; að hækka vexti, að halda í verðtrygginguna, neita að skoða þann möguleika að skipta um gjaldmiðil, leyfa hvalveiðar, veita ekki upplýsingar um sölu á ríkiseignum, viðhalda sérhagsmunapólitík, færa fjármagn frá almenningi til banka og fjárglæframanna, að einkavæða, að setja ekki þak á húsaleigu, að horfa fram hjá spillingu í æðstu embættum stjórnkerfisins, að velja sér til fylgilags félaga með umdeildan feril í embættum og fjármálakerfinu, að skattleggja ekki fjármálastofnanir sem skila endalausum hagnaði á kostnað almennings, að kaupa hríðskotabyssur og vopn fyrir lögreglu án samráðs við þjóðina og að svíkja kjósendur sína.
Stjórnmálamenn og embættismenn með svona ferilskrá eiga ekki að fá tækifæri til að stjórna, því þau hafa sýnt hagsmunum þjóðarinnar fádæma tómlæti. Við höfum valið þetta fólk til þess að vinna að hagsmunum okkar og þau hafa brugðist og eiga að víkja…. strax. Þeim er ekki treystandi!