Sprengisandur Í þættinum Sprengisandur verður meðal annars fjallað um grein sem Salvör Nordal hefur skrifað, en þar skoðar hún meðal störf samráðsnefndar um fjármálastöðugleika, frá því fyrir hrun. Allir þáverandi helstu embættismenn efnahagsmál áttu sæti í nefndinni.
Eitt sinn var sett upp viðbragðsæfing, með sambærilegum hópum á hinum Norðurlöndunum. Æfa átti viðbrögð ef einn banki í hverju landi lenti í lausafjárvanda, og hvort hið opinbera, í hverju landi, myndi bjarga bankanum. Nokkurskonar almannavarnaæfing og hér var Kaupþing sett í þessa stöðu. Fjármálaráðuneytið var í aðalhlutverki. Að loknum fyrri degi æfingarinnar töluðu þeir saman í síma, seðlabankastjórinn Ingimundur og ráðuneytisstjórinn Baldur og þeir komast að þeirri niðurstöðu að það væri skynsamlegt að opinbera ekki spilin og sýna hvort íslensk stjórnvöld myndu styðja bak Kaupþingi eða ekki, æfingin hefði náð tilætluðum árangri, að þeirra mati, og þeir ákváðu sem sagt að skila ekki niðurstöðum. Bara ákváðu það. Ekkert samráð var haft um ákvörðunina við aðra lykilmenn æfingarinnar, því þáverandi forstjóri Fjármálaeftirlitsins, sem náttúrulega stýrði lykilstofnun um fjármálastöðugleika, lýsti atburðarásinni með eftirfarandi hætti: „Þannig að við vorum bara á línunni […] með samstarfsaðilum okkar í Evrópu á kafi í að grípa til ráðstafana en þá segir sem sagt fjármálaráðuneytið: Við erum hættir þessu. Við bara litum náttúrlega hvort á annað og allir mjög rasandi yfir þessu og þá hætti bara litla Ísland allt í einu í æfingunni.
Meira á Sprengisandi klukkan tíu.
