Jóhann Páll Jóhannsson, þingmaður Samfylkingarinnar, hrekkir Bjarna Benediktsson, efnahags- og fjármálaráðherra, í nýrri færslu. Jóhann Páll er örlátur og gefur Bjarna orðið:
„Tugþúsundir Íslendinga njóta þess að afborganir af lánum hafa lækkað eftir endurfjármögnun. Þetta var hægt vegna þess að vextir eru lágir. Það er ekki tilviljun. Útgjaldalistinn sem nú er lofað mun hækka vextina aftur. Afborganirnar munu hækka með. (…). Við þurfum öll að borga fyrir ábyrgðarleysi með hærri afborgunum um mánaðamótin, í hærri sköttum á launaseðlinum og í hærra verði á kassanum úti í búð. Þess vegna lofum við ábyrgð og stöðugleika ofar öllu öðru.“ ～Bjarni Benediktsson, 23. september 2021.
Þarna er Bjarna gerður óleikur hinn mesti. „ Við þurfum öll að borga fyrir ábyrgðarleysi…“ sagði BB. Orð að sönnu. Það er samt ekki ábyrgðarleysi mitt eða þitt. Nei, ábyrgðarleysi BB.
