Þarf að taka til hendinni í heilbrigðismálum

„Í stjórn­arsátt­mála rík­is­stjórn­ar Katrín­ar Jak­obs­dótt­ur fjall­ar fyrsti kafl­inn um heil­brigðismál. Þar þarf að taka til hend­inni enda hef­ur heil­brigðisþjón­ust­an ekki notið raun­veru­legr­ar upp­bygg­ing­ar allt frá hruni.“

Þetta má lesa í grein sem Svandís Svavarsdóttir skrifar í Moggann í dag. Þetta eru sannanlega orð að sönnu. Víða blasir þörfin við. Sjá nýjasta dæmið má lesa hér að neðan.

Svandís ruggar ríkisstjórnarbátnum og sýnilegt er að það er verk að vinna hjá Bjarna Benediktssyni, þar sem Svandís sér fyrir að efla opinbera þjónustu, þá eflaust með því að draga úr, að sama skapi, heilbrigðisþjónustu sem sinnt er af einkarekstri.

„Sækja þarf fram í þágu op­in­berr­ar þjón­ustu bæði til að nýta op­in­bert fé eins vel og kost­ur er en ekki síður til þess að leggja megin­á­herslu á jöfnuð og gæði í þróun þjón­ust­unn­ar. Skapa þarf skýra heil­brigðis­stefnu fyr­ir Ísland með hliðsjón af þörf­um allra lands­manna þar sem ein­stak­ir þætt­ir þjón­ust­unn­ar verða skil­greind­ir bet­ur og sam­spil þeirra. Sú vinna stend­ur nú yfir og áætlað er að þings­álykt­un­ar­til­laga um heil­brigðis­stefnu verði lögð fram á vorþingi.“

Hætt er við að mörgum sjálfstæðismanninum renni kalt vatn milli skinns og hörunds við þennan lestur.

Svandís ítrekar, það sem allir svo sem vita, að kominn er tími til aðgerða í heilbrigðismálum.

„Nú er kom­inn tími til að leggja megin­á­herslu á þenn­an mik­il­væga mála­flokk, heil­brigðismál­in. Það mun rík­is­stjórn­in gera og sú áhersla end­ur­spegl­ast í þess­um fjár­lög­um. Þannig sköp­um við betra heil­brigðis­kerfi fyr­ir alla.“

92 ára liggur á salerni og hefur kúabjöllu til að gera viðvart